Եվրոպական երեք երկրում կտրուկ աճել է #COVID_19 կորոնավիրուսից մահացության ցուցանիշը

Իտալիայի իշխանությունները հայտնել են, որ մարտի 15-ի դրությամբ՝ COVID-19 կորոնավիրուսով առաջացած հիվանդությունից մահացության կտրուկ աճի մասին: Մեկ օրվա ընթացքում մահացել է 368 մարդ՝ զոհերի ընդհանուր թիվը հասել է 1806-ի: Իտալիայում վարակվածների թիվը մեկ օրում աճել է 3.590-ով և կազմել 24.747 մարդ: Այս ցուցանիշը հավասար է Չինաստանից դուրս գտնվող կորոնավիրուսից մահերի կեսին։

Իսպանիան շարունակում է մնալ հիվանդության համաճարակի երկրորդ ամենամեծ երկիրը:
Մեկ օրվա ընթացքում մահացել է 96 մարդ, ինչի արդյունքում կորոնավիրուսից մահացածների ընդհանուր թիվը հասել է 262-ի: Վարակակիրների ընդհանուր թիվը երկրում հասել է 7798-ի:
Ֆրանսիայում 24 ժամվա ընթացքում մահացել է 31 մարդ, զոհերի ընդհանուր թիվը հասել է 120-ի։ Այս մասին հայտնել է երկրի առողջապահության նախարար Օլվյե Վերանը:
Վարակակիրների ընդհանուր թիվը աճել է՝ հասնելով մինչև 5400-ի, օրական հիվանդանում է գրեթե հազար մարդ:
Չնայած համաճարակին՝ Ֆրանսիան կիրակի օրն անցկացրեց ավագանու ընտրությունների առաջին փուլը: Արձանագրվեց ընտրողների ռեկորդային ցածր մասնակցություն: Գերմանիան հայտարարել է Ֆրանսիայի, Շվեյցարիայի, Ավստրիայի, Լյուքսեմբուրգի և Դանիայի հետ սահմանների մասնակի փակման մասին: Այս միջոցը ուժի մեջ է մտնում մարտի 16-ի երեկոյան: