Երկուշաբթի, 30 մարտի, 2020 թ.
|
Ստեփանակերտում`   +4 °C

«Այսօր, սկսած 23։00-ից, ՀՀ ամբողջ տարածքում սահմանափակվում է մարդկանց ազատ տեղաշարժը»․ Սուրեն Քրմոյան

«Այսօր, սկսած 23։00-ից, ՀՀ ամբողջ տարածքում սահմանափակվում է մարդկանց ազատ տեղաշարժը»․ Սուրեն Քրմոյան
192
Երեքշաբթի, 24 մարտի, 2020 թ., 20:55

Փոխվարչապետ Տիգրան Ավինյանի խորհրդական Սուրեն Քրմոյանն անդրադարձել է ՀՀ քաղաքացիների տեղաշարժի և հանրային ծառայությունների իրականացման նկատմամբ սահմանափակումներին։

«Որոշումը ուժի մեջ մտնելուց սկսած՝ այսօր 23։00-ից, ՀՀ-ի ամբողջ տարածքում սահմանափակվում է մարդկանց ազատ տեղաշարժման իրավունքը, սահմանվում է ինքնամեկուսացում իրենց բանկարանում կամ իրենց գտնվելու վայրում»,- ասել է Քրմոյանը՝ նշելով, որ մեր ազգաբնակչությունը տնից կարող է դուրս գալ բացառիկ դեպքերում՝ կենսական անհրաժեշտությունից ելնելով գնումներ կատարելու, մթերային խանութներ, դեղատներ և շուկաներ գնալիս։ Սակայն, ըստ պաշտոնյայի, սա չի նշանակում, որ օրը մի քանի անգամ պետք է քաղաքացիները դուրս գան։ «Մարդիկ հնարավորություն ունեն մասնակցելու հոգեհանգստի արարողությունների, խնամքի կարիք ունեցող մարդկանց այցելելու, միևնույն ժամանակ, թույլատրվելու է բնակության վայրի անմիջական տարածքում ֆիզիկան վարժություններ կատարել»,- նշեց նա՝ տեղեկացնելով, որ պարետի որոշմանը կից արդեն կա ձևաթուղթ, որը կոչվում է տեղաշարժի թերթիկ։ Ամեն անգամ տանից դուրս գալուց մեր քաղաքացիները պետք է լրացնեն այդ թերթիկը»։

Տեղաշարժի թերթիկ
Տեղաշարժի թերթիկ