Պարետատունը՝ մարզահամերգայինում տեղադրված մահճակալների մասին

Հայկական միասնական տեղեկատվական հարթակը հայտարարություն է տարածել՝ անդրադառնալով Կարեն Դեմիրճյանի անվան մարզահամերգային համալիրում տեղադրված մահճակալների վերաբերյալ լուրերին։
Հայտարարությունն ամբողջությամբ՝ ստորև․

«Պարետատունը դիտարկում է կորոնավիրուսով պայմանավորված զարգացումների տարբեր սցենարներ և սցենարներից յուրաքանչյուրի համար պատրաստում համապատասխան արձագանքի մեխանիզմներ։

Առանձնացվել են տարբեր վայրեր, որոնք կարող են արդյունավետ ծառայել մեր համաքաղաքացիների մեկուսացման համար, եթե նման անհրաժեշտություն կառաջանա։ Վայրերից մեկն է Կարեն Դեմիրճյանի անվան մարզահամերգային համալիրը:

Ցանկանում ենք շեշտել, որ համալիրը այս նպատակով օգտագործելու անհրաժեշտություն կարող է և չառաջանալ»։