«Կորոնավիրուսով վարակված քաղաքացու ընտանիքի անդամների մոտ նույնպես վարակման կասկած կա». ԱՀ պետնախարար

ԱՀ պետնախարար Գրիգորի Մարտիրոսյանն այսօր հրավիրած մամուլի ասուլիսում հայտնեց, որ Արցախում կորոնավիրուսով վարակված քաղաքացու ընտանիքի անդամների մոտ նույնպես վարակման կասկած կա. նրանք Քաշաթաղի շրջանի Միրիկ համայնքի բնակիչներն են և ներկա պահին ինքնամեկուսացված են։ Բանախոսը նշեց, որ վարակված քաղաքացին 1987 թվականի ծնված է:

«Քաղաքացու հարազատների մոտ ևս վարակման կասկած կա: Նրանք ապրիլի 2-ին մեկուսացվել են Քաշաթաղի շրջանի բուժհաստատությունում: ԱՀ պետնախարարի տվյալներով հայտնի է վարակված քաղաքացու հետ շփում ունեցողների շրջանակը, նրանք 17 հոգի են և այս պահին ինքնամեկուսացված են»,- նշեց պաշտոնյան։

Հիշեցնենք, որ Արցախում այսօր մեկ քաղաքացու մոտ կորոնավիրուս է ախտորոշվել: