Չորեքշաբթի, 22 ապրիլի, 2026 թ.
|
Ստեփանակերտում`   +11 °C

Աֆրիկայում #COVID_19 կորոնավիրուսով վարակվածների թիվը հասել է 13 814-ի․ #AfricaCDC

Աֆրիկայում #COVID_19 կորոնավիրուսով վարակվածների թիվը հասել է 13 814-ի․ #AfricaCDC
860
Երկուշաբթի, 13 ապրիլի, 2020 թ., 16:15

Աֆրիկայի մայրցամաքում կորոնավիրուսի համավարակի դեպքերի թիվը հասել է 13 814-ի, մահացել է 747 մարդ, հայտնում է Africa CDC կազմակերպությունը՝ Twitter միկրոբլոգի պաշտոնական էջում:

Աֆրիկյան միությունը ներառում է 55 երկիր, իսկ COVID-19 համավարակը հայտնաբերվել է կազմակերպության 52 անդամ երկրներում: Դեպքերի մեծ մասը հայտնաբերվել է Հյուսիսային Աֆրիկայում, որտեղ վարակակիր է համարվում ավելի քան 6 000 մարդ: Վարակվածների ամենաքիչ թիվը գրանցվել է Արևելյան Աֆրիկայում՝ 1 201 դեպք:

Վարակների ամենամեծ թիվը գրանցվել է Հարավային Աֆրիկայի Հանրապետությունում՝2 028 դեպք, մահացել է 25 մարդ։ Հիվանդության դեպքերի ցանկում երկրորդ հորիզոնականը զբաղեցնում է Եգիպտոսը (վարակակիր է 1 939 մարդ, մահացել է 146-ը), 3-րդ հորիզոնականը՝ Ալժիրը (վարակիր է 1 825 մարդ, մահացել է 113 մարդ): Մարոկկոյում վարակակիր է 1 617 մարդ: Ներկայումս Աֆրիկյան միության միայն երեք երկրում չեն արձանագրվել COVID-19 համավարակի հաստատված դեպքեր՝ Լեսոտոյում, Արևմտյան Սահարայում, ինչպես նաև Կոմորյան կղզիներում։