Աշխարհում կորոնավիրուսով վարակվածների թիվը գերազանցել է 3,5 միլիոնը

Ամբողջ աշխարհում նոր կորոնավիրուսով վարակվածների թիվը գերազանցել է 3,5 միլիոնը (ապրիլի 21-ին գրանցվել էր կորոնավիրուսի 2,5 միլիոն դեպք)՝ համաձայն Ջոնս Հոփքինսի համալսարանի ներկայացրած տվյալների։
Մայիսի 4-ի առավոտվա դրությամբ՝ աշխարհում գրանցվել է կորոնավիրուսային վարակի 3 502 126 դեպք, մահացել է ավելի քան 247 հազար մարդ, ապաքինվել՝ 1,1 միլիոնը:
Վարակվածների թվով առաջին տեղում ԱՄՆ-ն է՝ 1,1 միլիոն մարդ, մահացել է 67,4 հազարը:
Վարակվածների թվով ԱՄՆ-ին հաջորդում են Իսպանիան և Իտալիան: Իսպանիայում վարակակիր է 217,4 հազար մարդ, Իտալիայում՝ 210,7 հազար: Ապրիլի կեսերից արձանագրվել է համավարակի և մահացությունների ցուցանիշի անկում:
Հաստատված դեպքերի թվով 4-րդ տեղում Միացյալ Թագավորությունն է (187.8 հազար մարդ), Ֆրանսիան՝ 5-րդ (168.8 հազար), Գերմանիան՝ 6-րդ տեղում է (165,6 հազար), իսկ Ռուսաստանը՝ 7-րդ։
Կորոնավիրուսով հիվանդների շրջանում մահացությունների ցուցանիշով 2-րդ տեղում Իտալիան է, մահացել է 28,8 հազար մարդ: Մեծ Բրիտանիան մահացության ցուցանիշով 3-րդ տեղում է՝ մահվան 28,4 հազար դեպք: