65 տարեկան տղամարդը չի ունեցել ուղեկցող քրոնիկ հիվանդություն. ԱՆ

790

Չորեքշաբթի, 13 մայիսի, 2020 թ., 11:10

Ինչպես արդեն հայտնել էինք, մայիսի 13-ի՝ ժամը 11:00-ի դրությամբ հաստատվել է կորոնավիրուսային հիվանդության ընդհանուր 3718 դեպք, որոնցից 1500-ն՝ առողջացած, 48-ը՝ մահվան ելքով: Կորոնավիրուսային հիվանդությամբ այս պահին փաստացի բուժում է ստանում 2149 պացիենտ:

Ընդհանուր առմամբ, կատարվել է 34766 թեստավորում:

Այսպիսով՝ ունենք կորոնավիրուսային հիվանդությամբ հաստատված 180 նոր դեպք և 70 առողջացած։

Մահվան դեպքի վերաբերյալ ԱՆ-ը հայտնում է, որ պացիենտը եղել է 65 տարեկան (տղամարդ), չի ունեցել ուղեկցող քրոնիկական հիվանդություն:

Նախորդ օրն արձանագրվել է մահվան 2 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 21 է։