Հինգշաբթի, 04 հունիսի, 2020 թ.
|
Ստեփանակերտում`   +16 °C

Արսեն Թորոսյանը՝ ՀՀ-ում Կավասակի հիվանդության, կորոնավիրուսով վարակված երեխաների, հղիների և բուժաշխատողների մասին

Արսեն Թորոսյանը՝ ՀՀ-ում Կավասակի հիվանդության, կորոնավիրուսով վարակված երեխաների, հղիների և բուժաշխատողների մասին
145
Հինգշաբթի, 21 մայիսի, 2020 թ., 12:30

Այսօր հրավիրած մամուլի ասուլիսում, խոսելով ՀՀ ում կավասակի հիվանդության մասին, Առողջապահության նախարար Արսեն Թորոսյանն ասաց, որ մինչև կորոնավիրուսի համավարակը ՀՀ-ում եղել է այդ համախտանիշով 3 դեպք, որի վիճակագրությունն այս տարի նույն է, չի փոխվել: «Երեխաները շատ թեթև են տանում հիվանդությունը, բայց դա չի նշանակում, որ պետք է թուլացնենք զգոնությունը»:

Հիշեցնենք՝ աշխարհի տարբեր երկրներում երեխաների շրջանում հայտնաբերվել էր Կավասակի համախտանիշի բռնկում, որը կարող է կապված լինել կորոնավիրուսային համաճարակի հետ:

Կավասակին հազվագյուտ հիվանդություն է, կրում է ճապոնացի բժշկի անունը և առաջին անգամ նկարագրվել է 1967թ.: Հիվանդության ախտանիշներն են արյան անոթների բորբոքում, ցան, այտուցվածություն, ցավ որովայնի շրջանում, փսխում և շրթունքների չորացում: Այն ազդում է մինչև հինգ տարեկան երեխաների վրա:

Կորոնավիրուսի հետ կապված Կովասակիի ախտանիշները հայտնվել են նաև մինչև 16 տարեկան դեռահասների մոտ:

Անդրադառնալով արդեն կորոնավիրուսով վարակված երեխաների հարցին՝ նախարարն ասաց, որ երեկվա դրությամբ ունենք

270 երեխա, որոնցից 2-ն ունի թոքաբորբ, որը թեթև բնույթի է և կյանքին սպառնացող վտանգ չկա:

Ինչ վերաբերում է հղիներին, Ա. Թորոսյանն ասաց, որ 23 հղի ունենք, որոնց կյանքին նույնպես վտանգ չի սպառնում:

Հարցին՝ կորոնավիրուսով վարկավածներին բուժելու կադրերի խնդիր ունե՞նք, թե՞ ոչ, Առողջապահության նախարարը պատասխանեց, «Այո, ունենք. այդ խնդիրը գրեթե միշտ ունեցել ենք: Խոսքը հատկապես վերակենդանացման բաժանմունքների ռեանիմատոլոգներին է վերաբերում, այսինքն՝ նրանց դեֆիցիտը եղել է նաև մինչև կորոնավիրուսը: Մենք այսօր փորձում ենք մոբիլիզացնել առկա ռեսուրսները, որպեսզի, եթե բռնկումը շատանա՝ մենք կարողանանք ավելի շատ թվով վարակվածների բուժել: Սակայն ուզում եմ նշել, որ այդ ժամանակ, միևնույն է, մենք բժիշկների կարիք ունենալու ենք, ինչպես աշխարհի բոլոր երկրները»:

Արսեն Թորոսյանը տեղեկացրեց, որ վարկված բուժաշխատողների ընդհանուր թիվը 375 է, ինչը կազմում է հիվանդների 6-7 տոկոսը: