Բելառուսում վերսկսվել են ընդդիմության ներկայացուցիչների կալանավորման դեմ բողոքի ցույցերը

Մինսկում իշխանության դեմ տեղի ունեցող բողոքի ցույցերը վերսկսվել են։ Ցուցարարները «համերաշխության շղթա» են կազմել Գոմելում, Գրոդնոյում, Մոգիլևում, Վիտեբսկում, Բոբրյուսկում, Բարանովիչիում։ Ըստ TUT.by-ի՝ Վիտեբսկում շղթան ձգվել է 300 մ, իսկ Գրոդնո քաղաքում՝ մոտ 1,5 կմ:

Բելառուսական «Вясна» իրավապաշտպան կենտրոնը հայտնել է, որ Մինսկում ձերբակալվել է ավելի քան 40 մարդ: Բացի այդ, կան ձերբակալվածներ Բոբրուիսկում, Գոմելում, Վիտեբսկում, Մոգիլևում, Գրոդնոյում և Նավապոլացկում։