Ռուսաստանում մեկ օրում գրանցվել է վարակի 7425 նոր դեպք

927

Երեքշաբթի, 23 հունիսի, 2020 թ., 14:25

Ռուսաստանի 84 շրջանում կորոնավիրուսով վարակման նոր 7 425 դեպք է հայտնաբերվել, մահացել է 153 մարդ․ վարակվածների թիվը հասնում է 599 705-ի: Այս մասին հայտնել է կորոնավիրուսի դեմ պայքարի օպերատիվ շտաբը, հաղորդում է РИА Новости-ն: Նոր հդեպքերի մեծ մասը հայտնաբերվել է Մոսկվայում (1 081), Մերձմոսկվայում (504) և Խանտի-Մանսիական ինքնավար տարածքում (319), որոնց հաջորդում են Չելյաբինսկի շրջանը (258), Սանկտ Պետերբուրգը (220) և Նիժնի Նովգորոդի շրջանը (216): Հիվանդության աճի ամենացածր ցուցանիշը գրանցվել է Կալմիկիայում (0,1%):