Հինգշաբթի, 09 հուլիսի, 2020 թ.
|
Ստեփանակերտում`   +27 °C

Իրանը սահմանեց դիմակ կրելու պարտադիր ռեժիմ

Իրանը սահմանեց դիմակ կրելու պարտադիր ռեժիմ
103
Կիրակի, 28 հունիսի, 2020 թ., 13:35

Իրանի իշխանությունը երկրում սահմանել է դիմակ կրելու պարտադիր պայման: Այս մասին հայտարարել է երկրի նախագահ Հասան Ռոուհանին:

«Ցանկացած վայրում, որտեղ ենթադրվում է մարդկանց կուտակում, պարտադիր պետք է կրել դիմակ: Դիմակ կրելը պարտադիր է հուլիսի 5-21-ը»,- հայտարարել է նա՝ տեղեկացնելով, որ անհրաժեշտության դեպքում այս ժամանակահատվածը կերկարաձգվի:

Արդեն 4 ամսից ավելի Իրանը պայքարում է կորոնավիրուսի դեմ: Փետրվարի 19-ից ի վեր, երբ իշխանություններն առաջին անգամ հայտարարեցին վտանգավոր վարակի մասին, երկրում հայտնաբերվել է 220 հազարից ավելի վարակակիր, մահացել է շուրջ 10400-ը: Վերջին 2 շաբաթում, բացառությամբ մեկ օրից, Իրանում ամեն օր մահացել է ավելի քան 100 վարակակիր: