Երեքշաբթի, 11 օգոստոսի, 2020 թ.
|
Ստեփանակերտում`   +15 °C

«Կարո՞ղ եք ասել, որ ԲԴԽ-ն կախված չէ քաղաքական իշխանությունից և անկախ է գործում». լրագրողը՝ Ալեքսանդր Ազարյանին

«Կարո՞ղ եք ասել, որ ԲԴԽ-ն կախված չէ քաղաքական իշխանությունից և անկախ է գործում». լրագրողը՝ Ալեքսանդր Ազարյանին
43
Հինգշաբթի, 09 հուլիսի, 2020 թ., 15:30

«Ինձ համար ցանկացած որոշում Բարձրագույն դատական խորհրդից՝ սպասելի էր»,- լրագրողների հետ զրույցում՝ պատասխանելով հարցին, թե արդյոք սպասելի՞ էր ԲԴԽ-ի որոշումը, ասաց Վերաքննիչ քրեական դատարանի դատավոր Ալեքսանդր Ազարյանը:

Հարցին՝ այս որոշումով կարո՞ղ եք ասել, որ ԲԴԽ-ն կախված չէ քաղաքական իշխանությունից և անկախ է գործում, դատավորն ասաց. «Կարծում եմ՝ Բարձրագույն դատական խորհուրդը կաշկանդված չէ իշխանության ներկայացուցիչների կողմից արտահայտված տրամադրություններից»:

Հաջորդ հարցին՝ Սասուն Խաչատրյանի հետ հանդիպե՞լ եք, հեռախոսազանգ եղե՞լ է այս որոշման հետ կապված՝ պատասխանեց, որ վերջինի հետ ՀՔԾ պետ նշանակվելուց հետո չի հանդիպել, դրանից առաջ էլ պատահական է հանդիպել:

Հիշեցնենք, որ Բարձրագույն դատական խորհուրդը մերժեց դատավոր Ալեքսանդր Ազարյանի նկատմամբ կարգապահական վարույթ կիրառել: Նման միջնորդություն ԲԴԽ-ին ներկայացրել էր Արդարադատության նախարար Ռուստամ Բադասյանը: