Վրաստանում կորոնավիրուսի դեպքերի թիվն ավելացել է 5-ով

Վրաստանում հուլիսի 10-ի դրությամբ կորոնավիրուսի հաստատված դեպքերի ընդհանուր թիվը դարձել է 973, ապաքինվել է ևս 2 մարդ։ Նախօրեին վարակակիրներն ավելացել են 5-ով՝ համաձայն Stopcov.ge-ի տվյալների, գրում է РИА Новости-ն։ Կարանտինում է գտնվում 4 851 քաղաքացի, մահացել է 15 հիվանդ, ստացիոնար բուժում է ստանում 231 քաղաքացի։ Ապաքինվել է 846 բուժառու։ Այլ երկրներից ժամանած հիվանդների թիվը ավելացել է 28-ով։ Նրանք զինվորականներ են՝ ՆԱՏՕ-ի առաքելության անդամներ, ովքեր ժամանել են Աֆղանստանից։