Ռուսաստանում մեկ օրում գրանցվել է վարակի 6234 նոր դեպք

Ռուսաստանի 84 շրջաններում կորոնավիրուսով վարակման նոր՝ 6 234 դեպք (+0.98%) է հաստատվել, մահացել է 124 (նախօրեին՝ 186 մարդ): Այս մասին հայտնել է կորոնավիրուսի դեմ պայքարի օպերատիվ շտաբը, գրում է Интерфакс-ը։ Հաստատված դեպքերի ընդհանուր թիվը կազմում է 765 437 մարդ, ապաքինվել է 546 863 բուժառու (նախօրեին՝ 7 490)։ Համավարակի բռնկումից ի վեր մահացել է 12 247 հիվանդ։ Այժմ 206 327 հիվանդ բուժում է ստանում: Նոր դեպքերի մեծ մասը հաստատվել է Մոսկվայում՝ 578 դեպք, մահացել է 14 մարդ, ապաքինվել է 543 բուժառու։ Նոր դեպքեր են արձանագրվել նաև Սվերդլովսկի մարզում՝ 259, Սանկտ Պետերբուրգում՝ 238, Խանտի-Մանսիական ինքնավար տարածքում՝ 247, Ալթայի երկրամասում՝ 201, Իրկուտսկի շրջանում՝ 188, Մերձմոսկվայում՝ 173, Օրենբուրգի շրջանում՝ 118, Նիժնի Նովգորոդի շրջանում՝ 205։