Ռուսաստանում մեկ օրում գրանցվել է վարակի 5 862 նոր դեպք

1020

Չորեքշաբթի, 22 հուլիսի, 2020 թ., 13:00

Ռուսաստանի 83 շրջաններում կորոնավիրուսով վարակման նոր՝ 5 862 դեպք (+0.93%) է հաստատվել, մահացել է 165 մարդ (նախօրեին՝ 153 մարդ): Այս մասին հայտնել է կորոնավիրուսի դեմ պայքարի օպերատիվ շտաբը, գրում է Интерфакс-ը։ Հաստատված դեպքերի ընդհանուր թիվը կազմում է 789 190 մարդ, ապաքինվել է 572 053 բուժառու (նախօրեին՝ 9 669)։ Ներկա պահին բուժում է ստանում 204 392 բուժառու:

Համավարակի բռնկումից ի վեր մահացել է 12 745 հիվանդ։ Նոր դեպքերի մեծ մասը հաստատվել է Մոսկվայում՝ 638 դեպք, մահացել է 19 մարդ, ապաքինվել՝ 1 168 բուժառու։ Նոր դեպքեր են արձանագրվել նաև Սվերդլովսկի մարզում՝ 234, Սանկտ Պետերբուրգում՝ 186, Խանտի-Մանսիական ինքնավար տարածքում՝ 221, Իրկուտսկի շրջանում՝ 170, Նիժնի Նովգորոդի շրջանում՝ 217, Ալթայի երկրամասում՝ 183 և նույնքան հիվանդ Մուրմանսկի շրջանում: