Ռուսաստանում մեկ օրում գրանցվել է վարակի 5 635 նոր դեպք

Ռուսաստանի 84 շրջաններում կորոնավիրուսով վարակման նոր՝ 5 635 դեպք (+0.7%) է հաստատվել, մահացել է 85 մարդ: Այս մասին հայտնել է կորոնավիրուսի դեմ պայքարի օպերատիվ շտաբը, գրում է Интерфакс-ը։ Հաստատված դեպքերի ընդհանուր թիվը կազմում է 818 120 մարդ, ապաքինվել է 603 329 բուժառու (նախօրեին՝ 3 079)։ Մահացել է 13 354 մարդ։
Նոր դեպքերի մեծ մասը հաստատվել է Մոսկվայում՝ 694 դեպք, մահացել է 13 մարդ, ապաքինվել՝ 264 բուժառու։ Խանտի-Մանսիական ինքնավար տարածքում՝ 114 դեպք, Սանկտ Պետերբուրգում՝ 172 նոր դեպք, Նիժնի Նովգորոդի շրջանում՝ 188, Իրկուտսկի շրջանում՝ 165, Կրասնոյարսկի երկրամասում՝ 162, Մուրմանսկի շրջանում՝ 158, Մոսկվայի մարզում՝ 135: