Վարդենիսում ԱԹՍ-ի հարվածից երեխա է վիրավորվել. վիճակը ծանր է

1767

Չորեքշաբթի, 14 հոկտեմբերի, 2020 թ., 18:20

ՀՀ Առողջապահության նախարարի մամուլի խոսնակ Ալինա Նիկողոսյանը ֆեյսբուքյան իր էջում գրել է. «Հայաստանի Հանրապետության տարածքում, մասնավորապես, Վարդենիսում, Ադրբեջանի ագրեսիվ գործողությունների հետևանքով՝ անօդաչու թռչող սարքի հարվածից, տուժել է 14 տարեկան երեխա, ով մեքենայով գնալիս է եղել դաշտ՝ հողագործական աշխատանքի:
Պատանին բազմաթիվ վնասվածքներով տեղափոխվել է «Սուրբ Աստվածամայր» բժշկական կենտրոն: Այժմ գտնվում է վերակենդանացման բաժանմունքում: Վերջինիս առողջական վիճակը բժիշկները գնահատում են ծանր:
Երեխան ունի կրծքավանդակի բեկորային վնասվածք, ձախակողմյան հեմոպնևմոթորաքս, աջակողմյան պնևմոթորաքս, որովայնի սալջարդ։