ԱՀ ԱԳՆ հայտարարությունն Ադրբեջանի կողմից մարդասիրական հրադադարը կրկին խախտելու վերաբերյալ
1840 Կիրակի, 18 հոկտեմբերի, 2020 թ., 17:30 Արցախի Հանրապետության արտաքին գործերի նախարարության հայտարարությունն Ադրբեջանի կողմից մարդասիրական հրադադարը կրկին խախտելու վերաբերյալ Խստագույն դատապարտում ենք Ադրբեջանի կողմից մարդասիրական հրադադարի մասին պայմանավորվածության կոպտագույն խախտումը, որն ուժի մեջ է մտել հոկտեմբերի 18-ին՝ ժամը 00:00-ից: Անտեսելով ԵԱՀԿ Մինսկի խմբի համանախագահ երկրների միջնորդական ջանքերը՝ հոկտեմբերի 17-ի լույս 18-ի գիշերը՝ մարդասիրական հրադադարի հենց առաջին օրը, ադրբեջանա-թուրքական ուժերը առաջնագծի տարբեր հատվածներում երեք անգամ խախտել են կրակի դադարեցման մասին պայմանավորվածությունները, ինչը հանգեցրել է մարդկային զոհերի երկու կողմերում էլ: Ժամը 00:04-ից 02:45-ն ընկած ժամանակահատվածում՝ հյուսիսային ուղղությամբ, իսկ ժամը 02:20-ից 02:45-ն ընկած ժամանակահատվածում հարավային ուղղությամբ ադրբեջանական կողմը հրթիռահրետանային գնդակոծության է ենթարկել Արցախի Հանրապետության Պաշտպանության բանակի դիրքերը: Առավոտյան ժամը 07:20-ին՝ հրետակոծությունից հետո, ադրբեջանա-թուրքական ուժերը հարձակման փորձ են ձեռնարկել առաջնագծի հարավային հատվածում՝ Խուդաֆերինի ջրամբարի ուղղությամբ, Արցախի Հանրապետության և Իրանի Իսլամական Հանրապետության սահմանի երկայնքով: Ադրբեջանական կողմի անպատասխանատու և ապակառուցողական քայլերը վկայում են, որ Ադրբեջանը և Թուրքիան չեն ցանկանում և ունակ չեն կատարել ո՛չ իրենց պարտավորությունները միջազգային կոնվենցիաների շրջանակներում, ո՛չ էլ՝ ԵԱՀԿ Մինսկի խմբի համանախագահ պետությունների միջնորդությամբ մարդասիրական նպատակներով կրակի դադարեցման շուրջ ձեռք բերված պայմանավորվածությունները: Հերթական անգամ Ադրբեջանը և Թուրքիան ցուցադրել են, որ մարդասիրական հրադադարի մասին պայմանավորվածությունները և, ընդհանուր առմամբ, բանակցությունները շարունակում են դիտարկել բացառապես հակամարտության ռազմական լուծման համատեքստում: Միայն Արցախի Հանրապետության միջազգային ճանաչումն է կարող կասեցնել միջազգային միջնորդների ջանքերն ու հեղինակությունը խաթարող ադրբեջանա-թուրքական ուխտադրուժ վարքագիծը: Արցախի Հանրապետության անկախության ճանաչումը վերջ կդնի ադրբեջանա-ղարաբաղյան հակամարտության ուժային լուծման փորձերին և անհրաժեշտ խթան կհաղորդի ԵԱՀԿ Մինսկի խմբի համանախագահության շրջանակներում միջազգային միջնորդական ջանքերի արդյունավետ շարունակմանը: |
«Նիկոլ 2008 - ****** ոստիկաններին, Նիկոլ 2024 - ****** ժողովրդին». Սևակ Հակոբյան
1815:24Ոստիկանական «պատ»՝ Կիրանցի ճանապարհին (տեսանյութ)
3815:06Քաղաքացիները փակել են Սայաթ-Նովա - Ալեք Մանուկյան խաչմերուկը
7314:24«Ամո՛թ ձեր հագած շալվարին». Նարինե Կիրակոսյան
7114:18«Դեմ ենք Տավուշում միակողմանի զիջումներին». «Մայր Հայաստան»-ի ակցիան՝ Գյումրիում (տեսանյութ)
4813:54«Կովերից վախեցել, իջել են ներքև». Գոհար Վարդանյան (տեսանյութ)
10613:48Գառնիկ Դանիելյանին հաջողվել է շրջանցել ոստիկաններին. նա Կիրանցում է
8613:18«Կա՛մ մեզ բերման կենթարկեք, կա՛մ կուղեկցեք գյուղ»․ Բագրատ Սրբազան (լուսանկար, տեսանյութ)
8913:06