Ուրբաթ, 29 մարտի, 2024 թ.
|
Ստեփանակերտում`   +16 °C

Իրանը լայնամասշտաբ զորավարժություններ է սկսում

Իրանը լայնամասշտաբ զորավարժություններ է սկսում
2431
Երեքշաբթի, 20 հոկտեմբերի, 2020 թ., 17:40

Իրանի հակաօդային պաշտպանության ստորաբաժանումները մտադիր են զորավարժություններ անցկացնել, որոնք կընդգրկեն երկրի տարածքի կեսից ավելին:
«Velayat Sky-99-ի պահապանները» ծածկագրով հակաօդային պաշտպանության զորավարժությունները, կսկսվեն չորեքշաբթի օրը, հայտնել Է զորավարժությունների հրամանատարը։ Հայտնում է Tasnim news agency-ին։
Գեներալ Քադեր Ռահիմզադեն հայտարարել է, որ զորավարժությունը, որում ներգրավված են բանակի և Իսլամական հեղափոխության պահապանների կորպուսի հակաօդային պաշտպանության ստորաբաժանումները, ուղղված է մարտունակոության բարձրացմանն ու ամրապնդմանը:
Հրամանատարի խոսքով՝ առաջիկա զորավարժություններին կներգրավվեն հայրենական արտադրության հրթիռային համակարգերի տարբեր տեսակներ, ռադարներ, ռադիոէլեկտրոնային պայքարի միջոցներ, ինչպես նաև կապի համակարգեր, որոնք օդային սպառնալիքներին հակազդում են փոքր, միջին և մեծ բարձրություններում:
Իրանի Իսլամական Հանրապետության ռազմաօդային ուժերը նախատեսում են զորավարժությունների ժամանակ օդ բարձրացնել կործանիչներ, ռմբակոծիչներ և անօդաչու թռչող սարքեր, հավելել է նա: