Դիվերսիոն խմբեր, գրոհներ, հրետակոծություն. իրադրությունը ռազմաճակատում

Այսօր վաղ առավոտից ռազմաճակատի ողջ երկայնքով շարունակվել են ինտենսիվ մարտական գործողությունները, ռազմաճակատում տիրող իրադրությունն է ներկայացնում ՀՀ ՊՆ ներկայացուցիչ Արծրուն Հովհաննիյանը: Հյուսիսում սկսվել է հրետակոծություն, որոշակի մարտական գործողություններ են ծավալվել, որոնք սակայն իրենց ինտենսիվությամբ մի փոքր զիջում են հարավում կատարվող մարտական գործողություններին:
Հադրութից հյուսիս, Մարտունիից հարավ, Ավետարանոց և այլ գյուղերի հարակից անտառներում, մի քանի այլ գյուղերում, նկատվել են դիվերսիոն խմբեր, որոնց ոչնչացման աշխատանքները շարունակվում են: Որպես կանոն՝ նրանք մարտի չեն բռնվում, մեր ստորաբաժանումներին նկատելով փախուստի են դիմում: Հարավային ուղղությամբ, դեպի հյուսիս և դեպի արևմուտք Սանասարի ուղղությամբ հակառակորդը տասնյակ գրոհներ է ձեռնարկել, այս պահին էլ ընթանում են ծանր մարտեր: