Արցախի ՄԻՊ-ն ուսումնասիրել է երեխաների մասնակցությամբ որոշ շահարկվող լուսանկարներ
![]() 2201 Երկուշաբթի, 26 հոկտեմբերի, 2020 թ., 23:40 Արցախի Հանրապետության Մարդու իրավունքների պաշտպանը, նկատելով սոցիալական ցանցերում երեխաների ընդգրկվածությամբ որոշ լուսանկարների վերաբերյալ շահարկումները և ընդգծելով երեխաների իրավունքների պաշտպանության կարևորությունը, ուսումնասիրություն է կատարել այդ լուսանկարների ծագման ու բովանդակության շուրջ: Ուսումնասիրության արդյունքներով պարզվել են հետևյալ հանգամանքները՝ 1. Լուսանկարներից մեկում երևացող աղջիկներին իրենց հայրիկներն ու այլ հարազատ ազատամարտիկներ ներկայացնում են ինքնաձիգներ: Լուսանկարի վերլուծությունից պարզ է դառնում, որ նրանք նույնիսկ ինքնաձիգ բռնելու հմտություններ չունեն, և անհեթեթ են ռազմական գործողություններին երեխաների մասնակցության վերաբերյալ պնդումները: 2. Մեկ այլ լուսանկարում երևացող տղա երեխան ակնհայտորեն պարզապես ծանոթանում է ինքնաձիգին, այն էլ՝ առանց պահեստատուփի: Այնուամենայնիվ, Պաշտպանը կասկածներ ունի տվյալ լուսանկարի ծագման հետ կապված, քանի որ այն գտնվել է միայն ադրբեջանական առցանց հարթակներում, և հնարավոր չէ ստուգել դրա ենթադրյալ հայկական աղբյուրը: 3. Երրորդ լուսանկարում երևացող տղան, որն արկեր է տեղափոխում, ըստ Պաշտպանի հավաքագրած տվյալների, 16 տարեկան է և այդ գործողությունը կատարում էր իր հայրիկի հետ միասին: Պետք է նշել, որ միջազգային իրավունքով արգելված է մինչև 15 տարեկան երեխաների մասնակցությունը ռազմական գործողություններին, և դա այն դեպքում, որ տվյալ անձը ուղիղ կերպով չէր ընդգրկվել ռազմական գործողությունների մեջ: Մարդու իրավունքների պաշտպանը, կարևորելով պատերազմական գործողությունների ընթացքում երեխաների իրավունքների պատշաճ պաշտպանությունը, ընդգծում է, որ առ այսօր որևէ դեպք չի արձանագրվել ռազմական գործողություններում երեխաների ընդգրկվածության առումով: Այնուամենայնիվ, Պաշտպանը հորդորում է բոլորին զգուշավորություն ցուցաբերել զենքերի հետ մինչև 15 տարեկան երեխաների շփման հարցում: |
Սամվել Շահրամանյանը՝ զոհվածների մարմինները Արցախից ՀՀ տեղափոխելու մասին (տեսանյութ)
19210:42«Մղձավանջ, որը շարունակվում է մինչև օրս»․ Մեսրոպ Առաքելյան
12110:24Սամվել Շահրամանյանը և ԱԺ պատգամավորները Եռաբլուրում են․ ՈՒՂԻՂ ՄԻԱՑՈՒՄ (տեսանյութ)
14410:06«Բաքուն վերացնում է Արցախում հայ ժողովրդի պատմական ներկայության հետքը»․ Հովիկ Ավանեսով
13909:36Արցախի կորստից անցել է 2 տարի․ ուղիղ միացում՝ Եռաբլուրից (տեսանյութ)
19209:30«Սեպտեմբերի 19-ը հայտարարվել է Բռնի տեղահանության և պահանջատիրության օր»․ Արցախի ԱԺ
16509:24Սուրեն Թովմասյանին կհրավիրեն քննչական. «Ժողովուրդ»
10509:06Նիկոլ Փաշինյանի սցենարը՝ Կաթողիկոսին գահընկեց անելու համար. «Ժողովուրդ»
14909:00