«Իսլամական ահաբեկչությունը մեր ընդհանուր թշնամին է»․ Մերկել

Գերմանիայի կանցլեր Անգելա Մերկելն իսլամական ահաբեկչությունը համարում է ընդհանուր թշնամի բոլորի համար։ Վիեննայում տեղի ունեցած հարձակումների վերաբերյալ Twitter-ում նման հայտարարություն է հրապարակել Գերմանիայի կառավարության պաշտոնական ներկայացուցիչ Շտեֆեն Զայբերտը:

«Իսլամական ահաբեկչությունը մեր ընդհանուր թշնամին է։ Այդ մարդասպանների և նրանց հրահրողների դեմ պայքարը մեր ընդհանուր պայքարն է»,- ասված է հայտարարության մեջ։

Կանցլերը նաև իր ցավակցությունն է հայտնել զոհվածների հարազատներին և շուտափույթ ապաքինում մաղթել վիրավորներին:

«Մենք չենք կարող տրվել ատելությանը, որն ուղղված է մեր հասարակության պառակտմանը»,- Twitter-ում գրել է Գերմանիայի ԱԳ նախարար Հայկո Մաասը: