«Չունենք որևէ պացիենտ, որ սպասում է հոսպիտալացվելու». Արսեն Թորոսյան

Այսօր՝ Կառավարության նիստի ժամանակ, առողջապահության նախարար Արսեն Թորոսյանը, Անդրադառնալով կորոնավիրուսով պայմանավորված իրավիճակին, ասաց. «Որպես հիմնական խնդիր դիտարկելով հիվանդների բուժօգնությունը՝ արդեն մոտ երկու շաբաթ է, ինչ չունենք որևէ պացիենտ, որ սպասում է հոսպիտալացվելու. բոլորն ստանում են պատշաճ բուժօգնություն: Ավելին, արդեն ինչպես առաջին ալիքի ժամանակ՝ ամռան վերջին, սկսել ենք որոշ հիվանդանոցներ վերադարձնել իրենց բնականոն գործունեությանը՝ իհարկե, միշտ պատրաստ լինելով»:

Արսեն Թորոսյանի խոսքով՝ այս պահին վարակի աճի ռիսկը կրկնակի մեծ է, քանի որ մարդիկ հիմա ավելի շատ են լինում փակ տարածքներում: