«Հունվարի երկրորդ կեսին կունենանք կորոնավիրուսի երրորդ ալիք»․ Արսեն Թորոսյան

Սուր շնչառական վարակների համար ամենածանր շրջանը ձմեռն է, բայց ի տարբերություն որոշ երկրների, որտեղ կորոնավիրուսի մեծ բռնկումներ կան, Հայաստանում բավակին մեղմ ընթացք է, մեր մահճակալային ֆոնդն արդեն թերծանրաբեռնված է, բայց պատրաստվում ենք համավարակի երրորդ ալիքին: Հնարավոր է կորոնավիրուսի վարակակիրների թվի աճ գրանցվի հունվարի երկրորդ կեսին՝ կապված նաև ամանորյա տոներին մարդկանց շատ շփումների հետ, սակայն վարակակիրների թիվը ավելին չի լինի, քան վարակի երկրորդ ալիքի ժամանակ գրանցվեց: Այս մասին «Առաջին լրատվական»-ի հետ զրույցում ասել է առողջապահության նախարար Արսեն Թորոսյանը՝ հավելելով, որ համավարակի երկրորդ ալիքի ժամանակ, որի մի շրջանը համընկավ պատերազմական օրերի հետ, հակահամաճարակային կանոններին հնարավոր չէր խստորեն հետևել, և դա բերեց հիվանդացության մեծ թվերի, և բազմաթիվ մարդիկ արդեն հիվանադացել և լավացել են: Նախարարի հավաստմամբ՝ ըստ վերջին օրերի տվյալների՝ կովիդը Հայաստանում նահանջում է:
Անդրադառնալով կորոնավիրուսի նոր տեսակի տարածման հետ կապված՝ աշխարհի տարբեր երկրներում առաջացած խուճապին, նախարարը նշել է, որ այդ մուտացիան ի հայտ է եկել սեպտեմբերին, դա ավելի արագ է տարածվում, բայց չկան տվյալներ, թե այն արդյոք ավելի ծանր է ընթանում, թե ոչ. «Մենք որոշել ենք սպասել այս հարցի հստակեցմանը»:
Արսեն Թորոսյանի խոսքով՝ պատվաստումները և կոլեկտիվ իմունիտետի առաջացումը կբերեն նրան, որ կորոնավիրուսը կդառնա սեզոնային վարակ, ամառային պիկեր չեն լինի, կլինեն միայն ձմեռային պիկեր, և դրան կսկսենք վերաբերվել որպես հերթական սեզոնային հիվանդության: Նախարարը հույս է հայտնել, որ պատվաստանյութը կնպաստի դրան, և հավելել է, որ ինքն արդեն պատվաստվել է:
«Պատվաստանյութերի առումով մրցակցություն է. մենք միշտ հակված ենք եղել համագործակցային մոտեցման, անդամագրվել ենք մի հարթակի և նախնական գնում ենք կատարել, որը Հայաստան կհասնի ապրիլ-մայիսին, միևնույն ժամանակ բանակցություններ են ընթանում, վերջին լուրն այն է, որ արագության առումով մեզ համար ամենահասանելի պատվաստանյութը ռուսական Sputnik V պատվաստանյութն է: Մենք պատվաստանյութի 1000 գնում կկատարենք, սկզբում կպատվաստվեն բուժաշխատողները»:
Նախարարը խորհուրդ է տվել ամանորյա տոներին սննդի և ալկոհոլի օգտագործման առումով զգույշ լինել, որպեսզի հիվանդանոցներն ավելորդ չծանրաբեռնվեն, և համաճարակային իրավիճակը հաշվի առնելով՝ հնարավորինս նվազեցնել շփումները:

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
66716.11.2026, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
86713.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
101011.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
106109.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
104509.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
123006.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
127905.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
301704.11.2026, 23:31