Երկուշաբթի, 20 ապրիլի, 2026 թ.
|
Ստեփանակերտում`   +8 °C

Ադրբեջանը լեհ գործիչ Թոմաշ Լեխ Բուչեկին 50000 դոլար է առաջարկել լռության դիմաց

Ադրբեջանը լեհ գործիչ Թոմաշ Լեխ Բուչեկին 50000 դոլար է առաջարկել լռության դիմաց
1509
Չորեքշաբթի, 20 հունվարի, 2021 թ., 21:00

Լեհ քաղաքական գործիչ Թոմաշ Լեխ Բուչեկն իր ֆեյսբուքյան պաշտոնական էջում գրառում է կատարել, որում նշել է՝ Բաքուն իրեն առաջարկել է 50 000 ԱՄՆ դոլար՝ Արցախում հայերի դեմ Ադրբեջանի ռազմական հանցագործությունների մասին գիրքը չհրատարակելու դիմաց:

Նա տեղադրել համապատասխան էկրանապատկերև գրել. «Ադրբեջանի նախագահ Ալիևն, ամենայն հավանականությամբ, լսել է իմ հրապարակման մասին: Ես առաջարկ եմ ստացել 50000 ԱՄՆ դոլարի դիմաց չհրապարակել Արցախում/Լեռնային Ղարաբաղում հայերի դեմ Ադրբեջանի ռազմական հանցագործությունները: Իմ պատասխանը Բաքվին՝ ԱԶԱՏԵʹՔ ՀԱՅ ՌԱԶՄԱԳԵՐԻՆԵՐԻՆ»:

Հավելենք, որ էկրանապատկերում գրված է, որ եթե նա համաձայն է, ապա պետք է հունվարի 25-ին Բաքուն պատկերող լուսանկար հրապարակի իր պաշտոնական ֆեյսբուքյան էջում:

Թոմաս Լեխ Բուչկեը հավաքել է ավելի քան 120000 ստորագրություն, ինչը նպատակ ունի Ադրբեջանին կանգնեցնել Արդարադատության միջազգային դատարանի առաջ՝ Արցախի խաղաղ բնակչության դեմ կատարած ռազմական հանցագործությունների համար:

Հավաքագրված բոլոր փաստերը կհրապարակվեն 1000-2000 օրինակով, ինչպես նաև կուղարկվեն միջազգային կազմակերպություններին և առանձին քաղաքական գործիչներին: