Ուրբաթ, 29 մարտի, 2024 թ.
|
Ստեփանակերտում`   +16 °C

Հոգեբանները նշել են ամուսնացած տղամարդկանց վաղաժամ մահվան պատճառը

Հոգեբանները նշել են ամուսնացած տղամարդկանց վաղաժամ մահվան պատճառը
1198
Ուրբաթ, 25 հունիսի, 2021 թ., 01:10

Թել Ավիվի համալսարանի հոգեբաններն ամուսնական կյանքից դժգոհությունն անվանել են ամուսնացած տղամարդկանց վաղաժամ մահվան պատճառներից մեկը, գրում է The Times Of Israel-ը:
Նոր ուսումնասիրությունը ցույց է տալիս, որ ամուսնությունից դժգոհությունը տղամարդկանց շրջանում կյանքի տևողության վրա իր ազդեցությամբ կարող է համեմատվել այնպիսի ռիսկային գործոնների հետ, ինչպիսիք են ծխելն ու ֆիզիկական ակտիվության բացակայությունը:
Ուսումնասիրությունը հիմնված է 32 տարվա հետազոտությունների արդյունքում ձեռք բերված բժշկական տվյալների վրա։ Ուսումնասիրել են 10 000 իսրայելցի տղամարդկանց և նրանց մահացության դեպքերը:
Իրենց ամուսնությունից դժգոհ տղամարդկանց շրջանում հետազոտության ընթացքում միջինը 19%-ով ավելի շատ մահացություն է գրանցվել, քան նրանց հասակակիցների, որոնք գոհ են եղել հարաբերություններից:
Գիտնականները հայտարարել են, որ ամուսնությունից դժգոհությունը կարող է կանխատեսել մահվան վտանգը:
«Այս ուսումնասիրությունը համոզիչ կերպով ցույց է տալիս, որ ամուսնությունից գոհ լինելը և դրա ամրությունն արժանի են հանրային առողջապահության ինստիտուտների կողմից ներդրումների: Այն պետք է լինի նույն մակարդակով, ինչ ներդրումներ կատարվում են ծխելու դեմ պայքարի և ֆիզիկական վարժությունների խրախուսման համար»,-վստահ է մասնագետը։