«Ադրբեջանի պահվածքը վկայում է, որ նման միջադեպեր էլի կարող են լինել». Նիկոլ Փաշինյան
744 Ուրբաթ, 27 օգոստոսի, 2021 թ., 11:24 Կառավարության նիստի մեկնարկին վարչապետ Նիկոլ Փաշինյանը, անդրադառնալով Սյունիքում ստեղծված իրավիճակին, հայտարարել է. «Ազգային ժողովում կառավարության ծրագրի իմ ներկայացման հիմնական ասելիքը տարածաշրջանի և Հայաստանի համար խաղաղ զարգացման դարաշրջան բացելու օրակարգն էր, և սրանից հետո առաջացավ արդեն հայտնի իրադրությունը, երբ Ադրբեջանը Էյվազլի և Չայզամի հատվածներում փակել է Սյունիքի մարզի հարավային հատվածներ տանող հիմնական ճանապարհը: Այս գործողությունը հակասում է 2020թ. դեկտեմբերին ձեռք բերված պայմանավորվածություններին, և ես հույս ունեմ, որ իրավիճակը րոպե առաջ կկարգավորվի: Քաղաքական առումով ինձ համար միանշանակ է, որ այդ ակցիան արվել է մեր առաջ քաշած խաղաղության օրակարգին հարվածելու, այդ օրակարգը վարկաբեկելու համար: Ադրբեջանի պահվածքը վկայում է, որ նման միջադեպեր էլի կարող են լինել: Մեր ծառայությունները, իհարկե, պետք է զգոն լինեն և ուշադիր, բայց, մյուս կողմից, մեզ ամուր նյարդեր են պետք, և մենք մեր ռազմավարական գիծը՝ խաղաղության օրակարգը, պիտի զարգացնենք, առաջ տանենք»: Վարչապետի խոսքով՝ Սյունիքի ճանապարհների հետ կապված իրավիճակն անկանխատեսելի չէր. «Մենք այս ընթացքում աշխատել ենք նոր ենթակառուցվածքների ձևավորման ուղղությամբ ու շարունակելու ենք աշխատել: Սակայն Էյվազլի և Չայզամի հատվածներում ճանապարհի վերաբացումը տարածաշրջանային կայունության շատ լավ խորհրդանիշ կարող է դառնալ: Ադրբեջանական կողմը պնդում է, որ ստեղծված իրադրությունը կապվում է նախորդ օրը տեղի ունեցած միջադեպի հետ, երբ դանակահարվել է Ադրբեջանի սահմանապահ զորքերի ծառայող: Մեր նախնական ստուգումները ցույց են տվել, որ հայկական կողմը որևէ առնչություն չունի ենթադրվող միջադեպի հետ: Նաև Ազգային ժողովի ամբիոնից հայտարարել եմ, որ եթե ադրբեջանական կողմն ունի կոնկրետ տվյալները, ցանկալի կլինի, որ մեզ փոխանցի: Պատրաստ ենք նաև համատեղ հետաքննության՝ Հայաստանի, Ռուստատանի, Ադրբեջանի ներկայացուցիչների մասնակցությամբ»: |
Ինչպես են քաշքշում ու բերման ենթարկում ՀՀ ԱԺ պատգամավոր Արթուր Խաչատրյանին (տեսանյութ)
1519:00Համացանցը խռխռոցով ծաղրում է Կոտայքի մարզային վարչության պետ Ռուբեն Դավթյանին (տեսանյութ)
7418:36Տեղադրվել է 28 սահմանային սյուն. ՀՀ կառավարություն
5518:24Կիրանցի ակցիային են միացել Արցախյան պատերազմում վիրավորված տղաները (տեսանյութ)
7918:00«Տավուշի և Ղազախի հատվածում սահմանազատման գործընթացը տեխնիկապես ավարտվել է». Արմեն Խաչատրյան
7417:54Բերման ենթարկված պատգամավոր Արթուր Խաչատրյանին տեղափոխել են ոստիկանության Հրազդանի բաժին
7917:48Բերման է ենթարկվել ԱԺ պատգամավոր Արթուր Խաչատրյանը (տեսանյութ)
10317:06Փակել են Հրազդան-Երևան ճանապարհը․ բողոքի ակցիաները շարունակվում են․ (տեսանյութ)
9617:00