«Ադրբեջանն ու Թուրքիան թող պատասխանեն՝ իրենք ուզում են հայ ժողովրդին ոչնչացնե՞լ». Փաշինյան

«Հենց որևէ մեկն ուզում է այլընտրանքային որոշում կայացնի, նրան տեղում լռեցնում են՝ ասելով՝ դու թուրք ես: Մենք հազարամյակի ընթացքում ժամանակ առ ժամանակ հայտնվում ենք մատաղացուի կարգավիճակում, որովհետև նրան ժամանակ առ ժամանակ վերադարձնում են մատաղացուի իր տեղը՝ ասելով՝ դու թուրք ես:

Ես ուզում եմ, որ Ադրբեջանն ու Թուրքիան պատասխանեն՝ ոչ թե հայտարարություններով, այլ գործողություներով, իրենք ուզում են շարունակե՞լ ցեղասպանությունը, ուզում են հայ ժողովրդին ոչնչացնե՞լ: Եթե այդպես է, մեզ ինչ է մնում, բացի դիմադրությունը: Եթե ոչ, ապա կա պատմական շանս այս տարածաշրջանում խաղաղություն հաստատելու: Մեզ թուրք ասելով չեն կանգնեցնի: Մենք դեստրուկտիվ, ագրեսիվ, ֆանատիկ չենք լինի»,- քիչ առաջ ավարտված ասուլիսի ժամանակ հայտնեց վարչապետ Փաշինյանը: