«Սա խաբկանք է, հասարակությանը մոլորեցնելու հերթական արշավ». Տիգրան Աբրահամյան

«Պատիվ ունեմ» խմբակցության պատգամավոր Տիգրան Աբրահամյանի գրառումը․ «Իշխանությունը փորձում է հանրությանը համոզել, որ դելիմիտացիա/դեմարկացիայի գործընթացը Հայաստանին խաղաղություն է բերելու և դա է պատճառը, որ Հայաստանը ցանկանում է որքան հնարավոր է արագ մեկնարկ ապահովել այդ պրոցեսին։
Միանգամից նշեմ, որ դա խաբկանք է, հասարակությանը մոլորեցնելու հերթական արշավ։
Ոչ միայն գործընթացի շուրջ համաձայնության ձեռքբերման, այնպես էլ բուն աշխատանքների ծավալման պայմաններում, սահմանային միջադեպերի, ագրեսիայի, տարբեր բնույթի ռազմական գործողությունների հավանականությունը որևէ ձևով չի նվազելու, ավելին՝ առավել հավանական է ռիսկերի էական աճի հավանականությունը»: