ՄԱԿ-ը բանաձև է ընդունել Ուկրաինայի վերաբերյալ

2904

Ուրբաթ, 13 մայիսի, 2022 թ., 00:12

ՄԱԿ-ի Մարդու իրավունքների խորհուրդը ճնշող մեծամասնությամբ աջակցել է ռուսական զորքերի դեմ ենթադրյալ ռազմական հանցագործությունների հետաքննություն սկսելու մասին բանաձևը: Խոսքը պատերազմի սկզբում կատարված հանցագործությունների մասին է, ենթադրաբար, ռուս զինվորականների կողմից Կիևի մերձակայքում և ուկրաինական այլ շրջաններում:

Խորհրդի անդամ 33 երկրներ քվեարկել են հետաքննության օգտին, 12-ը ձեռնպահ են մնացել, Չինաստանն ու Էրիթրեան միակ երկրներն են, որոնք դեմ են քվեարկել Ուկրաինայի ներկայացրած բանաձևին։

Անցյալ ամիս Ռուսաստանը հեռացվեց ՄԱԿ-ի Մարդու իրավունքների խորհրդից Ուկրաինայում ապօրինությունների մեղադրանքներից հետո: