Շուշիի Արամ Մանուկյան փողոցն անվանափոխել են Աթաթուրքի անունով

Բռնազավթված Շուշիի կենտրոնական փողոցներից մեկը՝ Արամ Մանուկյանի փողոցն անվանակոչվել է Թուրքիայի Հանրապետության հիմնադիր Քեմալ Աթաթուրքի անունով։ Twitter- ի իր էջում Ադրբեջանում Թուրքիայի դեսպանը շնորհակալություն է հայտնել այս կապակցությամբ։
«Շուշիի գլխավոր փողոցներից մեկը կոչվում է «Աթաթուրքի փողոց»։ Շնորհակալություն»,- գրել է նա։

Փողոցը կոչվում էր Հայաստանի առաջին Հանրապետության հիմնադիր-առաջնորդներից մեկի՝ Արամ Մանուկյանի անունով։ Այն ձգվում է Սուրբ Հովհաննես Մկրտիչ (Կանաչ ժամ) եկեղեցու հարևանությամբ՝ հատվելով Ղազանչեցոց փողոցին։
Շուշիի բռնազավթումից հետո ադրբեջանցիներն ակտիվորեն վերանվանում են փողոցները՝ հայկական անունները փոխարինելով ադրբեջանականով։
Yandex Map-ում անվանափոխությունն արդեն արտացոլված է։