«Այս պայմաններում ի՞նչ է անելու խորհրդարան մտնող ընդդիմությունը»․ Նաիրի Հոխիկյան

Լրագրող, հանրային գործիչ Նաիրի Հոխիկյանի ֆեյսբուքյան գրառումը․ «Կեղծված ընտրությունների նոր խորհրդարանում շատ բան է կեղծ ու հակասահմանադրական։ Նույնիսկ օրենքով պարտադիր նախատեսված՝ Կաթողիկոսի օրհնության կարգն է հանված օրենքի կոպիտ խախտումով, իսկ պատգամավորի երդման տեքստից հանվել են համազգային նպատակներին վերաբերող հատվածները և թողել են միայն Նիկոլ Փաշինյանի քիմքին հաճելի տողեր։
Այս պայմաններում ի՞նչ է անելու խորհրդարան մտնող ընդդիմությունը։ Հանդուրժելո՞ւ է Եկեղեցու և Կաթողիկոսի նկատմամբ անհարգալից վերաբերմունքը, արտասանելո՞ւ է Նիկոլի գրած տեքստերը, կրկնելո՞ւ է Նիկոլի սիրած բառերը, թե՞ կարող է, օրինակ, չմասնակցել առաջին նիստի կեղծ «երդման արարողությանը» կամ մասնակցել և արտասանել սեփական տեքստը՝ Հայրենիքի, ազգային պետության ու համազգային շահի, Մայր Աթոռի, Արցախի ու Արարատի մասին»։