Կիրակի, 06 հուլիսի, 2025 թ.
|
Ստեփանակերտում`   +18 °C

«Պալատական խարդավանքներ» հյուսողի հաստիք՝ Կառավարությունում․ ո՞ւմ դեմ է աշխատում աշխատակազմի ղեկավարի տեղակալը․ «Ժողովուրդ»

«Պալատական խարդավանքներ» հյուսողի հաստիք՝ Կառավարությունում․ ո՞ւմ դեմ է աշխատում աշխատակազմի ղեկավարի տեղակալը․ «Ժողովուրդ»
230
Երեքշաբթի, 22 նոյեմբերի, 2022 թ., 09:12

«Ժողովուրդ» օրաթերթը գրում է․ «Պարզվում է՝ «պալատական խարդավանքներ» հյուսողի հաստիք կա ՀՀ Կառավարությունում: Պետական միջոցներից աշխատավարձ ստացող պետական պաշտոնյան ծառայում է ոչ թե Հայաստանի Հանրապետությանը, այլ զբաղված է ներիշխանական ինտրիգներ ու խարդավանքներ հյուսելով: Եվ որպեսզի արդարացնի իր գործունեությունը, նկատվի Նիկոլ Փաշինյանի կողմից, երբեմն ընդդիմադիր գործիչների վրա, ինտերնետային հարձակումներ է կազմակերպում: Այն, որ վարչապետի աշխատակազմի ղեկավարի տեղակալ Տարոն Չախոյանը ֆեյքային գրոհներ է կազմակերպում Նիկոլ Փաշինյանին քննադատողների նկատմամբ, մեկ անգամ չէ, որ բարձրաձայնվել է:

Կառավարական կաբինետում կատարվող անցուդարձին քաջատեղյակ աղբյուրի փոխանցմամբ՝ Չախոյանը ցանկանում է իր վերադասի՝ աշխատակազմի ղեկավար Արայիկ Հարութունյանի տեղը զբաղեցնել: Գործադիրից մեզ վստահեցնում են, որ դրա համար Չախոյանը ոչնչի առջև կանգ չի առնում՝ իր վերադասի աթոռին հայտնվելու համար: Հարությունյանի թերությունները, բացթողումները և սկանդալային պատմությունները, որ հայտնվում են մամուլի էջերում, երբեմն ուղղորդվում են հենց Չախոյանի կողմից»:

Մանրամասները՝ թերթի համարում: