«Մենք ենք նույնականացրել ոստիկաններին, որպեսզի Արգիշտիի գործառույթը հեշտացնենք»․ Գարիկ Գալեյան

301

Հինգշաբթի, 24 նոյեմբերի, 2022 թ., 16:36

Զոհված և անհետ կորած զինծառայողների ծնողներն այս պահին ՔԿ ներկայացուցիչների հետ հանդիպման են։ Ծնողներն այստեղ են, որպեսզի հասկանան՝ ի՞նչ փուլում է գտնվում քրեական գործը, որը հարուցվել է ոստիկանների դեմ՝ «Եռաբլուր» զինվորական պանթեոնում զոհվածների ծնողներին ուժի գործադրմամբ բերման ենթարկելու հիմքով։ 44-օրյա պատերազմում զոհված Մխիթար Գալեյանի հայրը՝ Գարիկ Գալեյանը, լրագրողների հետ զրույցում հայտնեց․ «Մենք ենք նույնականացրել ոստիկաններին, որպեսզի Քննչական կոմիտեն ղեկավարող Արգիշտիի գործառույթը հեշտացնենք»։