«Հաջիևը մեղավոր չի, որ Հայաստանում իր արած ամեն ինչի հետ հաշտ են»․ Արա Պողոսյան

Քաղաքագետ Արա Պողոսյանը ֆեյսբուքյան իր էջում գրում է․ «Ու այսքան դիվանագետների մեջ գեթ մեկը չգտնվեց, որ Հաջիևին հուշի, թե հայերը ցեղասպանության տարիներին ոսկուց առաջ գրքեր էին փրկում, Արցախում կթողնեին գեթ մեկ բնագիր գի՞րք...
Վատը այն է, որ եթե այսքան դիվանագետների շարքում լինեին քպ-ական ցանկացած տեսակի ներկայացուցիչներ, նույնը կանեին՝ բերանը բացած սեփական պատմության հասցեին վիրավորանքը կուլ տալով։
Իհարկե Հաջիևը մեղավոր չի, որ Հայաստանում իր արած ամեն ինչի հետ հաշտ են ու պատասխան ոչ միայն չեն տալու, այլև վաղը Փաշինյանը կասի. «Ով խոսի մեր պատմության մասին, նա պատերազմ էր հայտարարում Ադրբեջանին»»։