«Կողմ եմ Ադրբեջանի հետ խաղաղություն հաստատելուն, բայց դեմ եմ ինձ՝ որպես ազգ, ոչնչացնելուն»․ Նորիկ Նորիկյան

«Արդար Հայաստան» կուսակցության նախագահ Նորիկ Նորիկյանի ֆեյսբուքյան գրառումը․ «Գանձասար վանական համալիրը «հայկական ճարտարապետության շտեմարան» է…
Հիքմե՛թ Հաջիև
Այս խոսքերի հեղինակը հայերը չեն:
Այն պատկանում է էրմիտաժի գիտական խորհրդի անդամ, հայտնի պատմաբան և արվեստագետ Անատոլի Յակոբսոնին, ով երկար տարիներ ուսումնասիրում է Գանձասարի վանական համալիրը:
Իսկ Սորբոնի համալսարանից արվեստի պատմության ֆրանսիացի հայտնի պատմաբան,
Պրոֆեսոր Շարլ Դիլը (1859-1944) Գանձասարը ներառել է հայ ճարտարապետական արվեստի 5 գլուխգործոցների շարքում, որոնք մտել են համաշխարհային ճարտարապետության գանձարան։
Գանձասարի վանքից բացի, Դիլի ցանկում հայտնվել են Աղթամարի Սուրբ Խաչ եկեղեցին (915-921) (Վանա լիճ, Թուրքիա), Էջմիածնի Սբ Հռիփսիմեի եկեղեցին (618), Հաղպատի վանքը (հիմնված 10-րդ դարում) և Ամենափրկչի եկեղեցին՝ Հայաստանի հնագույն մայրաքաղաք Անիում (հիմնված 1001 թվականին)։
Հ. Գ. Ես կողմ եմ Ադրբեջանի հետ խաղաղություն հաստատելուն, բայց դեմ եմ ինձ՝ որպես ազգ, ոչնչացնելուն, իմ պատմությունն ու մշակութային ժառանգության հետքերը վերացնելուն…»։