Լիբանանի հարավում նավաբեկությունից հետո 232 անօրինական միգրանտի են փրկել

1235

Կիրակի, 01 հունվարի, 2023 թ., 11:24

Լիբանանյան զինվորականները, ՄԱԿ-ի՝ Հարավային Լիբանանում ժամանակավոր ուժերի (UNIFIL) աջակցությամբ, փրկարարական գործողություն են իրականացրել՝ Սաալթա քաղաքի ափերի մոտ խորտակված նավից 232 անօրինական միգրանտների տարհանման ուղղությամբ, ասվում է լիբանանյան բանակի հայտարարության մեջ:
«Ծովային ուժերը ՅՈՒՆԻՖԻԼ-ի հետ համատեղ ավարտել են Սաալթայի ափերի մոտ նավի վրա գտնվող անօրինական միգրանտներին փրկելու գործողությունը, որոնց թիվը կազմում է 232 մարդ, նրանք տարհանվում են Տրիպոլիի (Հյուսիսային Լիբանան) նավահանգիստ»,- ասված է հայտարարության մեջ։
Ըստ հաղորդագրության՝ փրկարարական գործողության ընթացքում զինվորները ջրից դուրս են բերել երկու մահացածի դի։