Պեսկովը՝ զորահավաք հայտարարելու՝ Պուտինի մտադրության մասին

ՌԴ նախագահ Վլադիմիր Պուտինը մտադիր չէ հայտարարել զորահավաքի նոր ալիքի մասին։ Այս մասին հայտարարել է նրա մամուլի քարտուղար Դմիտրի Պեսկովը։

Ավելի վաղ ի հայտ էին եկել ենթադրություններ, թե Պուտինը կարող է մասնակի զորահավաքի նոր ալիք հայտարարել, ինչպես նաև պաշտոնապես «հատուկ ռազմական գործողությունը» պատերազմ հայտարարել։

«Սրանք բոլորը խոսակցություններ են: Մի՛ լսեք դրանց»,- հերքել է Կրեմլի խոսնակը համապատասխան լուրերը՝ պատասխանելով լրագրողների հարցին։