«Խաչատուր Սուքիասյանի «Հայէկոնոմբանկի» Իջևանի մասնաճյուղը կառուցվել է կանաչ տարածքում». Ոսկան Սարգսյան

Լրագրող Ոսկան Սարգսյանը լուսանկարներ է տարածել ֆեյսբուքյան իր էջում՝ կից գրառմամբ. «ԱԺ ՔՊ-ական պատգամավոր Խաչատուր Սուքիասյանին պատկանող Հայէկոնոմբանկի Իջևանի մասնաճյուղի շենքն է, որը կառուցվել է կանաչ տարածքում՝ Իջևան քաղաքի կենտրոնական զբոսայգում։ Հողային օրենսգրքի 60-րդ հոդվածի համաձայն՝ կանաչապատ տարածքներում, զբոսայգիներում կապիտալ շինարարություն չի թույլատրվում։ Բանկի մասնաճյուղի շենքը մինչև 2018-ի իշխանափոխությունն է կառուցվել, «նախկինների» օրոք։ 9 տարի՝ 2010-2019 թվականներին այդ մասնաճյուղի կառավարիչն է եղել Նիկոլ Փաշինյանի դասընկեր, նրա հարսանիքի քավոր, Տավուշի մարզպետ Հայկ Ղալումյանը»: