Պեսկովը հերքում է
515 Երկուշաբթի, 30 հունվարի, 2023 թ., 15:42 ՌԴ նախագահի մամուլի քարտուղար Դմիտրի Պեսկովը հերքել է Մեծ Բրիտանիայի նախկին վարչապետ Բորիս Ջոնսոնի՝ հրթիռային հարվածի սպառնալիքի մասին հայտարարությունը: «Այն, ինչ ասել է պարոն Ջոնսոնը, ճիշտ չէ, ավելի ճիշտ՝ սուտ է. ավելին՝ կա՛մ գիտակցված սուտ է. ի՞նչ նպատակով է նա ընտրել ներկայացման այդ տարբերակը։ Թե՞ անգիտակցաբար է եղել և նա փաստացի չի հասկացել՝ ինչի մասին է նախագահ Պուտինը խոսում իր հետ... Խոսելով ՌԴ անվտանգության մարտահրավերների մասին՝ ՌԴ նախագահը նշել է, որ մեր սահմանների մոտ ՆԱՏՕ-ի կամ ամերիկյան հրթիռների հնարավոր տեղակայումը կնշանակի, որ ցանկացած հրթիռ հաշված րոպեների ընթացքում կհասնի Մոսկվա»,- երկուշաբթի լրագրողների հետ զրույցում ասել է Պեսկովը։ Հիշեցնենք՝ Մեծ Բրիտանիայի նախկին վարչապետ Բորիս Ջոնսոնը BBC-ի պատրաստած վավերագրական ֆիլմում հայտնել էր, որ Վլադիմիր Պուտինը Ռուսաստանի՝ Ուկրաինա ներխուժումից առաջ հեռախոսազրույցի ժամանակ սպառնացել է իրեն: «Ինչ-որ պահի նա սպառնաց ինձ և ասաց. «Բորի՛ս, ես չեմ ուզում քեզ ցավ պատճառել, բայց հրթիռով դա ընդամենը մեկ րոպե կպահանջի», կամ նման մի բան»,- Պուտինի խոսքերն էր մեջբերել Ջոնսոնը: Այդ մեկնաբանությունը, ըստ Ջոնսոնի, հնչել էր իր այն նախազգուշացումից հետո, որ պատերազմն Ուկրաինայում կունենա աղետալի հետևանքներ, կհանգեցնի արևմտյան կոշտ պատժամիջոցների, ՆԱՏՕ-ի ուժերի ավելացման Ռուսաստանի սահմանների մոտ և այլն: |
Հայաստանը ստացել է Ալեն Սիմոնյանի հայտարարության հետ կապված Ռուսաստանի նամակը
3715:54«Բարձր ենք գնահատում հայ-ադրբեջանական խաղաղ բանակցությունները»․ Ալիևը՝ Բեռլինում
6015:36Ալիևն ու Շոլցը քննարկել են հայ-ադրբեջանական հարաբերությունների կարգավորման հարցը
8915:18Բողոքի ակցիա ԱԺ շենքի դիմաց՝ ուղիղ միացմամբ (տեսանյութ)
9414:30Էրդողանը կայցելի Վաշինգթոն. #Hurriyet
10514:24Բաքուն դատապարտում է Եվրոխորհրդարանի՝ էներգետիկ ոլորտում Ադրբեջանի հետ համագործակցության դադարեցման բանաձևը
7013:54Ալիևը Բեռլինում է․ բանակցություններ կվարի Շոլցի հետ
16812:36Օկուպացված Արցախում ռուս-թուրքական մշտադիտարկման կենտրոնը փակվեց (տեսանյութ)
10012:06