Երեքշաբթի, 13 մայիսի, 2025 թ.
|
Ստեփանակերտում`   +21 °C

«Փորձել ենք այցելել դեպքի վայր, բայց մեր մուտքն արգելվել է». Արծվիկ Մինասյան

«Փորձել ենք այցելել դեպքի վայր, բայց մեր մուտքն արգելվել է». Արծվիկ Մինասյան
768
Հինգշաբթի, 02 փետրվարի, 2023 թ., 14:24

ԱԺ «Հայաստան» խմբակցության պատգամավոր Արծվիկ Մինասյանը լրագրողների հետ զրույցում անդրադարձել է Ազատ գյուղում տեղակայված զորամասի կացարանում բռնկված հրդեհի հետևանքով 15 զինծառայողի մահվան դեպքին. «15 զինվորի մի գիշերվա մեջ մոխրացնել, ու սրա համար գլուխ չխոնարհել, ներողություն չխնդրել… սա խոսում է այն մասին, որ այս մարդկանց համար ոչ միայն օրինականությունն է ոչ մի բան, այլ նաև մարդկային կյանք, արժեք, հայրենիք, չկան տենց բաներ, հավանաբար որոշ անձանց կաշիները փրկելու անմոռաց ձգտում ունեն: Ի՞նչ է նշանակում Պաշտպանության նախարարի, Փաշինյանի պահվածքը, մի անգամ գոնե դեպքի վայր, ընտանիքներին չեն այցելում»,- կարծիք է հայտնել ընդդիմադիր պատգամավորը:

Մինասյանի փոխանցմամբ՝ ընդդիմադիրները փորձել են այցելել դեպքի վայր, սակայն նրանց մուտքն արգելել են: