«Զորամաս անվանելով՝ իշխանությունը փորձում է շեղել հանրության ուշադրությունը». Սեյրան Օհանյան

«Նախ՝ այնտեղ զորամաս չէ, զորամաս անվանելով՝ իշխանությունը փորձում է շեղել հանրության ուշադրությունը: Դրանք հին, շահագործումից դուրս գտնվող, ավերված շինություններ են՝ ավելորդ ծախսերի աղբյուր, այնպես որ, մեղադրանքը չենք ընդունում»,- անդրադառնալով Գլխավոր դատախազության ներկայացրած՝ զորամասի տարածքի օտարման գործին, այսօրվա ճեպազրույցի ժամանակ ասել է Պաշտպանության նախկին նախարար Սեյրան Օհանյանը: Նա հավելել է, որ դատախազության ներկայացրածը ոչ թե միջնորդություն էր, այլ՝ մեղադրանք: