«Փաստաթղթում Ղարաբաղի մասին հիշատակում կա». ԱԽ քարտուղար

«ՀՀ-ի մոտեցումը շարունակում է մնալ այն, որ միջազգային տեսանելի մեխանիզմ պետք է ստեղծվի, որպեսզի Ստեփանակերտի ու Բաքվի միջև տեղի ունենան քննարկումներ՝ ԼՂ-ում ապրող հայերի անվտանգության և իրավունքների շուրջ»,- լրագրողների հետ ճեպազրույցում ասել է ԱԽ քարտուղար Արմեն Գրիգորյանը, ով այսօր ԱԺ-ում հանդիպել էր ՔՊ խմբակցության հետ: Գրիգորյանը հիշեցրել է, որ հայկական կողմը խաղաղության պայմանագրի վերաբերյալ նոր առաջարկներ է ստացել Ադրբեջանից. այժմ աշխատում են այդ ուղղությամբ, ավարտելուց հետո՝ փաստաթուղթը կփոխանցեն ադրբեջանական կողմին: Լրագրողի հարցին՝ քննարկվող, միմյանց փոխանցվող, մշակվող այդ փաստաթղթում Ղարաբաղի մասին հիշատակում կա՞, պատասխանել է. «Ղարաբաղի մասին հիշատակում կա, բայց փաստաթուղթը դեռ վերջնական չէ. բանակցություններ են ընթանում»,- ասել է Գրիգորյանը: