«Ո՞նց եք պատկերացնում բանակցողին փոխելու մեխանիզմը». ՔՊ-ական պատգամավոր

«Մեզ քննադատողները, որպես կանոն, չեն ասում՝ իրենք ի՞նչ են առաջարկում անենք, օրինակ ասում են՝ բանակցողը պետք է փոխվի. ներողություն, ո՞նց եք դա պատկերացնում»,- Հանրայինի եթերում ասել է ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը՝ հավելելով, որ բանակցողին փոխելու մեխանիզմը մեկն է՝ նշանակվում է ընտրություն, ընտրվում է պետության ղեկավար, բանակցում է. «Պարզ դրանից խոսեք: Երկրորդ, ո՞ւմ են տեսնում բանակցող՝ չեն ասում, կարևորը ինքը չլինի. տեսակետ ա»:

Հիշեցնենք՝ բանակցողին փոխելու անհրաժեշտության մասին օրեր առաջ հայտարարել էր ՀՀ երրորդ նախագահ Սերժ Սարգսյանը. Արցախում ու Հայաստանում հնարավոր է իրավիճակ փոխել, եթե գլխավոր բանակցողը փոխվի, ասել էր նա: Ըստ Սարգսյանի՝ ոչ միջնորդները, ոչ էլ Ադրբեջանը լուրջ չեն վերաբերվում վարչապետ Փաշինյանին։