«Պուտինը վերահաստատեց, որ Փաշինյանը դուրս չի գալու ՀԱՊԿ-ից ու ԵԱՏՄ-ից». Վահագն Ավագյան

ԱԺԲ անդամ Վահագն Ավագյանը ֆեյսբուքյան իր էջում գրել է. «Պուտինը կրկին վերահաստատեց, որ Նիկոլ Փաշինյանը դուրս չի գալու ՀԱՊԿ-ից և ԵԱՏՄ-ից, անկախ նրանից, թե ինչ գործողությունների կգնան թուրքերի հետ միասին ընդդեմ Հայաստանի։
Այս համատեքստում նիկոլի ռեժիմի բոլոր քայլերը հայության գլխի տակ փափուկ բարձ դնելու, իսկ հերթական աղետից հետո «արևմտամետ» քաղաքականությունը պախարակելու հիմք ստեղծելու համար են արվում։
Հայաստանում դեռ կան շրջանակներ, որ կոչերով են դիմում նիկոլի ռեժիմին անելու այս կամ այն քայլը։ Երբ եք վերջապես հաղթահարելու ձեր կոմպլեքսեները և ակնհայտ դավաճանությունների գնացած իշխանությունների հետ հույսեր կապելու փոխարեն միանալու մեզ Ազատության հրապարակում։ Արցախի այսօրվա վիճակը ձեր համար դաս չի՞ դառնում»: