«Ոչ ոք իրավունք չունի մեզ դնելու ինքնիշխանության ու խաղաղության միջև ընտրության առաջ»․ Լևոն Զուրաբյան

ՀԱԿ փոխնախագահ Լևոն Զուրաբյանը ֆեյսբուքյան իր էջում գրում է. «Խաղաղությունը չի կարող պայմանավորված լինել մեր ներքին քաղաքական ինքնակառավարման հարցերին վերաբերվող Ադրբեջանի պահանջների կատարմամբ։
Մեզ ոչ ոք իրավունք չունի դնելու ԻՆՔՆԻՇԽԱՆՈՒԹՅԱՆ ու ԽԱՂԱՂՈՒԹՅԱՆ միջև ընտրություն կատարելու անհրաժեշտության առջև։
Իրականում այդպիսի ընտրություն չկա. կորցնես ինքնիշխանությունդ, կկորցնես նաև խաղաղությունը։
Մեր նպատակը Թուրքիայի և Ադրբեջանի հետ ինքնիշխան խաղաղության հաստատումն է, որի իրագործման համար էլ ակնկալում ենք մեր քաղաքացիների վստահության քվեն»։