«Հարցին պետք է մոտենալ առավելագույն լրջությամբ»․ Միհրան Մախսուդյան

Պահեստազորի գնդապետ, «Սրբազան պայքար»-ի աջակից Միհրան Մախսուդյանի ֆեյսբուքյան գրառումը․ «Իմ սիրելի՛ հայրենակիցներ, տեսնում եմ, որ տարբեր տեսակետներ եք արտահայտում Օնիկ Գասպարյանի թեմայով։ Սակայն կարևոր եմ համարում ընդգծել՝ այս հարցին պետք է մոտենանք առավելագույն լրջությամբ և պատասխանատվությամբ։
Պետք է հասկանալ, որ գեներալից պահանջել միայն հրապարակային հայտարարություններ՝ կարող է վտանգավոր հետևանքներ ունենալ։ Գոյություն ունի իրական ռիսկ, որ իշխանությունները կօգտվեն նման հայտարարությունից՝ նրան մեղադրելու ռազմական գաղտնիք հրապարակելու մեջ և գործ հարուցելու նպատակով։
Ուստի կոչ եմ անում բոլորիս՝ զերծ մնալ շտապողական ու չհաշվարկված պահանջներից և հարցին մոտենալ սառը դատողությամբ։ Այստեղ կարևոր է ոչ թե աղմուկը, այլ՝ խոհեմ ու պատասխանատու քայլերը»։