«Ռուսաստանը տեսնում է Հայաստանի միջոցով Անդրկովկասում ՆԱՏՕ-ի շահերն առաջ մղելու փորձեր». Լավրով

Ռուսաստանը տեսնում է Հայաստանի միջոցով Անդրկովկասի տարածաշրջանում ՆԱՏՕ-ի շահերն առաջ մղելու փորձեր։ Այս մասին ԱՊՀ արտգործնախարարների խորհրդի նիստից հետո լրագրողների հետ զրույցում ասել է ՌԴ ԱԳ նախարար Սերգեյ Լավրովը։ «Մենք գիտենք հասարակական կազմակերպությունների այն քանակի մասին, որոնք Հայաստանում ստեղծվել են վերջին տարիներին: Այդ կազմակերպությունները չեն ստեղծվում Հայաստանի և Ռուսաստանի Դաշնության միջև բարեկամական հարաբերություններն առաջ մղելու նպատակով։ Ճիշտ հակառակը։ Դրանք միտված են՝ հակառուսական տրամադրությունների և Հայաստանի միջոցով այդ տարածաշրջանում առաջին հերթին ԱՄՆ-ի, Եվրոմիության և ՆԱՏՕ-ի երկրների շահերի առաջմղման համար։ Սակայն Ռուսաստանը խորը համոզմունք ունի, որ հայ ժողովուրդն իր ճնշող մեծամասնությամբ շահագրգռված է ՌԴ-ի հետ ավանդական, պատմականորեն եղբայրական կապերի զարգացմամբ»,- ասել է Լավրովը։