Երկուշաբթի, 23 փետրվարի, 2026 թ.
|
Ստեփանակերտում`   +10 °C

Նեթանյահուն պատերազմի սկսվելուց հետո առաջին անգամ խոսել է Պուտինի հետ

Նեթանյահուն պատերազմի սկսվելուց հետո առաջին անգամ խոսել է Պուտինի հետ
860
Երկուշաբթի, 16 հոկտեմբերի, 2023 թ., 20:48

Իսրայելի վարչապետ Բենիամին Նեթանյահուն հոկտեմբերի 16-ի երեկոյան հեռախոսազրույց է ունեցել ՌԴ նախագահ Վլադիմիր Պուտինի հետ։

Այս մասին նախնական զեկույցը հայտնվել է Haaretz թերթում։ Ո՛չ Կրեմլը, ո՛չ Իսրայելի կառավարության ղեկավարի գրասենյակը դեռևս զեկույց չեն ներկայացրել։ Նախքան Նեթանյահուի հետ զրույցը, որը նախատեսված էր այսօր, Պուտինը զրուցել է նաև իր սիրիացի գործընկեր Բաշար ալ-Ասադի, Իրանի նախագահ Էբրահիմ Ռաիսիի, Պաղեստինի ինքնավարության նախագահ Մահմուդ Աբասի և Եգիպտոսի նախագահ Աբդել Ֆաթթահ աս-Սիսիի հետ:

«Հիմնական ուշադրությունը հատկացվել է կտրուկ սրվող պաղեստինա-իսրայելական հակամարտությանը, ծայրահեղ անհանգստություն է արտահայտվել ռազմական գործողությունների լայնածավալ սրման կապակցությամբ, որն ուղեկցվում է խաղաղ բնակչության շրջանում զոհերի թվի աղետալի աճով և Գազայում խորացող հումանիտար ճգնաժամով, արտահայտվել է կրակի շուտափույթ դադարեցման, մարդասիրական զինադադարի հաստատման անհրաժեշտության մասին՝ բոլոր կարիքավորներին անհապաղ օգնություն ցուցաբերելու նպատակով»,- հաղորդում է Կրեմլը։

Պուտինն ընդգծել է խաղաղ բնակչության նկատմամբ բռնության ցանկացած ձևի անընդունելիությունը։ Նրա խոսքով՝ Ռուսաստանը «խորապես կարեկցում է» զոհվածների ընտանիքներին, հարազատներին ու ընկերներին, ինչպես նաև «պատրաստ է մարդասիրական օգնություն ցուցաբերել»։