Վրաստանի իշխանությունները սկսել են պատրաստվել միջուկային պատերազմի․ #РИАНовости

Վրաստանում ծրագիր են մշակել տարածաշրջանում միջուկային զենքի հնարավոր կիրառման դեպքում, գրում է «ՌԻԱ Նովոստի»-ն՝ հղում անելով «Սպուտնիկ Գրուզիա»-ին։ Վրաստանի պետական անվտանգության ծառայության ղեկավար Գեորգի Լիլուաշվիլիի խոսքով՝ յուրաքանչյուր գերատեսչության համար գործողությունների կարգ է սահմանվել։

«Առողջապահության նախարարությունը նախանշել է բնակչությանը դեղորայքի բաշխումը, բուժումը, այդ թվում՝ շտապ օգնության սխեման, ապաստարանների հատկացումը։ Թեև դա արդիական կդառնա, եթե, Աստված մի արասցե, ուղղակի հարված լինի։ Ապաստանը մեզ այս դեպքում չի օգնի։ Այդ պատճառով մենք պետք է խելացի լինենք, չափավոր պրագմատիկ քաղաքականություն վարենք ինչպես երկրի ներսում, այնպես էլ երկրի սահմաններից դուրս»,- ասել է Լիլուաշվիլին։